افكار حلوة ادخلي لا تفوتك

السلام عليكم

هلا حبوباتي

اليوم جبت لكم طريقة لتعطير غرفكم قريتها في احد المنتديات وسويتها والنتيجه روووووعه..

تجيبون اي نوع من انواع عطور الفواحات ( تلقونها عند البودي شوب او نكتار ) حسب الريحه اللي تعجبك..

حطي منه شوي في مرش او في علبة بخاخ واخلطيها مع مويه وخليها شوي ..

بعدين بخيها على سريرك مخداتك ستارة الغرفه .. تصير ريحة الغرفه جنااان وتستمر لفتره..

في طريقه ثانيه بس انا ما جربتها بصراحه بس بقولكم عليها ..انك تحطين شوي دهن عود وتخلطين معاه مويه حاره

وتتركينه شوي بعدين تبخينه او ترشينه في الغرف بعد طريقه حلوه هذي ..



لحمامك (كرمكم الله)

طريقه بعد جربتها ومررره حلوه..

اذا عندك ورود مجففه وخلاص راحت ريحتها .. حطي عليها مويه وقطرات من اي عطر فواحه عندك وخليها فتره وقلبيها

كل شوي بس لا تكثرين المويه .. بعد كذا حطيها في سله او تل واربطيها بطريقه فنيه وزينيها بالشرايط حسب لون الحمام

وديكوره.. وزعي اكياس التل اللي عبيتيها على ارفف الحمام او على المغسله .. بتصير الريحه مررره حلوه




وعندي بعد شي ثاني وهو كيف نستفيد من علب- ثياب وشمغ - التماسيح

اكيد تعرفون علب الثياب الدفه والاصيل..وعلب الشمغ..المهم

هالعلب مره حلوه وقويه وحسافه نرميها ما نستفيد منها .. وهذي طرق للاستفاده منها اخذتها من

احد المواقع وسويت بعضها

طلعت مره حلوه ..وانشاءالله تنفعكم..

بعد ما تغلفين العلب بالخيش او اي غلاف ترغبين فيه شامواه مثلا او من تغليفات الهدايا اللي تكون حلوة وعليها نقشات

ناعمه وبعد ما تزينينها بالورد المجفف او مجسمات مثل دبدوب صغير او اي تزيين ترغبين فيه

او تبخين عليها بخاخ يناسب المكان الذى تستخدم فية..المهم تسوين فيها حركة تخفى معالمها ..

تقدرين بعد كذا تستخدمينها لهالاشياء..

1- لتخزين الادوات المدرسية من اقلام وبرايات بدل ماتكون فى اكياس تكون مرتبة فى الادراج ..

2- تجميع ادوات الخياطة من ابر وشرايط وكلف ومقص وغيرة ..

3- لحفض الاكسسوارات ---بذات الساعات ----خذى رول المناديل حقت المطبخ ----تقصى كم واحد على عرض الكرتون وتلفين عليها قماش وتدخلين الاطراف من القماش فى الفتحتين الى فى جوانب الرول وتصفين الرولات داخل الكرتون اوالعلبة وترصين الساعات فيها بشكل مرتب..

4- بكل البنات وفرش الشعر..

5- تحطين فيها الشراريب..

9- تحطين وحدة للشوك والثانية للملاعق والثالثة للسكاكين ----الخاصة بالعزايم داخل الدواليب لحفضها من الغبار..

10- ممكن تزينين وحده بشكل مناسب وتستخدمينها في التقديم مثل حلا القهوه ويكون مرصوص في اوراق البلسيه..

12-ترصين فيها ادوات الحمام (كرمكم الله) الخاصه بك..

13- تهتمين فى تزيين وحدة بزياده ------ وتحطين ادوات زوجك حقت الحلاقة فيها داخل الحمام (للمتزوجات)..

14 -غلفى وحدة بقماش احمر مخمل وافرشيها من الداخل بقماش ستان احمرثم صفى العطور العربية والبخور والمعمول فيها وخليها مفتوحة على التسريحة ..



افكار جميلة نقلتها للفائدة

تسلمي حبيبتي مره حلوه الفكره